Банкны дансны дугаар танилт

Цахим хэтэвч, онлайн банк хөгжсөн одоогийн нийгэмд хүмүүс нэгнээсээ дансны дугаар асуух нь түгээмэл үзэгдэл болсон билээ. Дансны дугаараа хүн болгонд ахин дахин хэлэх нь бага зэрэг залхмаар ажил тул хүмүүс гараар бичээд, эсвэл хэвлээд дэлгүүр, лангууны энд тэнд наачихсан байгаа харагддаг. Тэгвэл бичвэр хэлбэртэй дансны дугаарыг машин сургалт, дүрс танилт ашиглан утасны камераар шууд утасруугаа буулгаж авах боломж бүхий шийдлийг бид танилцуулж байна.

Техникийн талаас машин сургалтын модел нь шууд утсан дээр ажиллахаар хийгдсэн тул интернетгүй үед ч хурдтай ажиллах боломжтой юм.

Доорх бичлэгээс манай шийдэл IOS үйлдлийн систем бүхий гар утсан дээр хэрхэн ажиллаж буйг харж болно.